امریکی عوام نے جنگ کے خلاف فیصلہ دے دیا،ایرانی اسپیکر کا انتخابی نتائج پر ردعمل

تہران: ایرانی پارلیمنٹ کے اسپیکر باقر قالیباف نے امریکی وسط مدتی انتخابات کے نتائج پر ردعمل دیتے ہوئے کہا ہے کہ امریکی عوام نے جنگ کے خلاف اپنا فیصلہ سنا دیا ہے اور ایران عوامی فیصلے کی حمایت کرتا ہے۔

سماجی رابطے کی ویب سائٹ ایکس پر اپنے بیان میں باقر قالیباف کا کہنا تھا کہ امریکی عوام نے مہنگائی کے معاشی دباؤ اور اپنے ضمیر کی آواز کو سامنے رکھتے ہوئے اپنی رائے کا اظہار کیا ہے۔

انہوں نے خبردار کیا کہ اگر امریکی حکومت عالمی طاقتوں کے مفادات اور دباؤ کے تحت عوامی خواہشات کے برعکس فیصلے کرتی ہے تو اسے ایران کی جانب سے سخت مخالفت کا سامنا کرنا پڑے گا۔

دوسری جانب امریکی وسط مدتی انتخابات کے ابتدائی نتائج کے مطابق ایوانِ نمائندگان میں ڈیموکریٹک امیدواروں کو ریپبلکنز پر برتری حاصل تھی، جبکہ سینیٹ کے نتائج میں بھی ڈیموکریٹس کی کامیابی رپورٹ کی گئی۔

امریکی صدر ڈونلڈ ٹرمپ نے انتخابی نتائج تسلیم کرنے کا اعلان کرتے ہوئے کہا کہ ایران کے ساتھ جنگ انتخابات میں ریپبلکنز کی ناکامی کی ایک وجہ بنی۔ انہوں نے ڈیموکریٹس کے ساتھ مل کر کام کرنے پر آمادگی ظاہر کی، تاہم ساتھ ہی واضح کیا کہ ان کے نزدیک ناقابلِ قبول اقدامات کو صدارتی ویٹو کے ذریعے روکیں گے۔