نائب وزیراعظم اسحاق ڈار سے انٹرنیشنل ریسکیو کمیٹی کے صدر ڈیوڈ ملی بینڈ کی ملاقات
پاکستان میں انسانی امداد کے منصوبوں، موسمیاتی تبدیلی کے چیلنجز اور علاقائی و عالمی صورتحال پر تبادلہ خیال
نائب وزیراعظم اسحاق ڈار سے انٹرنیشنل ریسکیو کمیٹی کے صدر ڈیوڈ ملی بینڈ کی ملاقات
نائب وزیراعظم اور وزیر خارجہ سینیٹر محمد اسحاق ڈار سے انٹرنیشنل ریسکیو کمیٹی کے صدر اور چیف ایگزیکٹو آفیسر ڈیوڈ ملی بینڈ نے ملاقات کی، جس میں پاکستان میں ادارے کی سرگرمیوں، انسانی ہمدردی کی بنیاد پر امداد اور علاقائی و عالمی صورتحال پر تبادلہ خیال کیا گیا۔
وزارت خارجہ کے ترجمان کے مطابق ملاقات کے دوران ڈیوڈ ملی بینڈ نے نائب وزیراعظم کو پاکستان میں انٹرنیشنل ریسکیو کمیٹی کی جاری سرگرمیوں اور منصوبوں کے بارے میں تفصیلی بریفنگ دی۔ اس موقع پر اسحاق ڈار نے پاکستان کے ساتھ ادارے کی دیرینہ شراکت داری کو سراہا۔
Rt. Hon. David Miliband, President and CEO of the International Rescue Committee (IRC), called on Deputy Prime Minister/Foreign Minister Senator Mohammad Ishaq Dar at the Ministry of Foreign Affairs today.
Mr. Miliband briefed the DPM/FM on the IRC’s activities in Pakistan. The… pic.twitter.com/ydgVKFGuZp
— Ministry of Foreign Affairs – Pakistan (@ForeignOfficePk) November 17, 2026
نائب وزیراعظم نے موسمیاتی تبدیلی کے باعث پیدا ہونے والے چیلنجز سے نمٹنے کے لیے عالمی تعاون مسلسل جاری رکھنے کی اہمیت پر زور دیا اور پاکستان میں انٹرنیشنل ریسکیو کمیٹی کی سرگرمیوں کے تسلسل کا خیرمقدم کیا۔
ملاقات میں دونوں رہنماؤں نے علاقائی اور عالمی صورتحال، بالخصوص دنیا بھر میں انسانی ہمدردی کی بنیاد پر امداد کی موجودہ صورتحال پر بھی تبادلہ خیال کیا۔
مزید برآں دونوں جانب سے انسانی ہمدردی کے چیلنجز سے مؤثر انداز میں نمٹنے کے لیے عالمی برادری کی مسلسل شمولیت اور تعاون کی ضرورت پر زور دیا گیا۔