بھارتی فوج کی ایل او سی پر بلااشتعال فائرنگ سے شہری شہید

لائن آف کنٹرول پر بھارتی فوج کی بلا اشتعال فائرنگ سے ایک شہری شہید ہوگیا۔
پاک فوج کے شعبہ تعلقات عامہ (آئی ایس پی آر)کے مطابق بھارتی فوج کی جانب سے سیز فائر معاہدے کی خلاف ورزی کا سلسلہ جاری ہے اور تازہ واقعے میں بھارتی فوج نے ایک بار پھر لائن آف کنٹرول پر آبادی کو نشانہ بنایا۔
آئی ایس پی آر کے مطابق بھارتی فوج نے لائن آف کنٹرول پر خنجر سیکٹر پر بلا اشتعال فائرنگ کی جس کے نتیجے میں 51 سالہ شہری گفتار حسین شہید ہوگیا۔
آئی ایس پی آر کے مطابق شہید گفتار حسین جھمرہ گاؤں کا رہائشی تھا۔
آئی ایس پی آر نے بتایا کہ پاکستانی افواج نے بھارتی فوج کی فائرنگ کامنہ توڑ جواب دیا۔

تبصرے بند ہیں.