ملک بھر میں پیٹرولیم مصنوعات کی کھپت میں 33 فیصد کمی

اسلام آباد: پیٹرولیم مصنوعات کی کھپت 33 فیصد کم ہو کر4 سال کی کم ترین سطح پر آگئی۔رواں مالی سال جولائی تا ستمبر ملک میں پیٹرولیم مصنوعات کی کھپت میں 33 فیصد کی نمایاں کمی ریکارڈ کی گئی۔
انڈسٹری اعداد و شمار کے مطابق فرنس آئل کی کھپت میں سب سے زیادہ 67 فیصد کمی ہوئی ہے۔اعداد وشمار کے مطابق ڈیزل کی کھپت 19 فیصد جب کہ 10 سال کے عرصے سے مسلسل زائد فروخت ہونے والے پیٹرول کی فروخت میں 2 فیصد کمی ریکارڈ ہوئی ہے۔
جولائی تا ستمبر 33 فیصد کمی کے ساتھ پیٹرولیم مصنوعات کی فروخت 47 لاکھ 51 ہزار ٹن ریکارڈ ہوئی۔معاشی تجزیہ کار محمد سہیل کے مطابق ڈیزل کی فروخت میں 19 فیصد کی بڑی کمی ملکی معیشت میں سست روی کے آغاز کا اشارہ ہے۔

تبصرے بند ہیں.