آرمی چیف کی سعودی ولی عہدسےملاقات،باہمی دلچسپی کےامورپرتبادلہ خیال

آرمی چیف جنرل قمر جاوید باجوہ سے سعودی ولی عہد شہزادہ محمد بن سلمان نے ملاقات کی جس میں علاقائی سلامتی اور باہمی دلچسپی کے امور پر تبادلہ خیال کیا گیا۔

Prince Mohammad Bin Salman expressed his strong optimism about success of Pakistan in defeating challenges at hand. Crown Prince also expressed his best wishes & support to the newly elected government.
COAS thanked his highness for best wishes and support for Pakistan (2 of 2).

— DG ISPR (@OfficialDGISPR) August 22, 2018

ڈی جی آئی ایس پی آر کے مطابق سعودی ولی عہد شہزادہ محمد بن سلمان نے گزشتہ رات منیٰ میں جنرل قمر جاوید باجوہ کے اعزاز میں عشائیہ دیا، جس کے بعد دونوں شخصیات کے درمیان ملاقات ہوئی جس میں علاقائی سلامتی اور باہمی دلچسپی کے امور پر تبادلہ خیال کیا گیا، اس موقع پر سعودی ولی عہد نے سربراہ پاک فوج کو حج کی ادائیگی پر مبارک باد پیش کی۔
ملاقات کے دوران سعودی ولی عہد محمد بن سلمان نے پاکستان کی نئی حکومت کے لیے نیک خواہشات کا اظہار کیا، ولی عہد نے اس خواہش کا اظہار بھی کیا کہ پاکستان درپیش چیلنجز سے نمٹنے میں کامیاب ہوجائے، آرمی چیف نے پاکستان کے لیے نیک خواہشات کے اظہار اور حمایت پر شہزادہ محمد بن سلمان کا شکریہ ادا کیا۔