مس ورلڈ2019 کا تاج جمیکا کی سانولی سلونی رنگت کی ٹونی این سنگھ کے سر سجا۔فوٹو سوشل میڈیا

سیاہ فام سردارنی مس ورلڈ 2019 کا تاج لے اڑی

اتوار 15 دسمبر 2019, 1:26 شام آخری اپ ڈیٹ اتوار 15 دسمبر 2019, 2:14 شام اہم خبریں, چشم حیرت

دنیا پر سیاہ فام حسیناؤں کا راج،مس یونیورس کے بعد مس ورلڈ2019 کا اعزاز بھی سانولی سلونی حسینہ لے اُڑی۔

عالمی مقابلہ حسن2019 لندن میں منعقد ہوا، مقابلے میں مختلف ممالک کی حسیناؤں نے شرکت کی۔

حسیناؤں نے اپنی دلفریب اداؤں سے شرکا کو محضوظ کیا، مگر مس ورلڈ2019 کا تاج جمیکا کی سانولی سلونی رنگت کی ٹونی این سنگھ کے سر سجا،عالمی مقابلہ حسن میں انڈیا کی حسینہ تیسرے اور فرانس کی حسینہ رنر اپ رہیں۔

Toni-Ann Singh from Jamaica is the 69th #Missworld pic.twitter.com/tgyTFFiuKU

— Miss World (@MissWorldLtd) December 14, 2019

ٹونی کو گزشتہ برس مس ورلڈ کا ٹائٹل جیتنے والی میکسیکن حسینہ نے تاج پہنایا تو پورا ہال تالیوں سے گونج اٹھا۔ مس ورلڈ کے فائنل کی رنر اپ مس فرانس اور مس انڈیا رہیں۔ یہ چوتھی بار ہے کہ جمیکا سے تعلق رکھنے والی حسینہ کے سر پر حسینہ عالم کا تاج سجا ہے۔ اس سے قبل 1963، 1976 اور 1993 میں جمیکا سے تعلق رکھنے والی خواتین مس ورلڈ کا اعزاز جیت چکی ہیں۔

ایسا پہلی بار ہوا ہے کہ خوبصورتی کے تمام اعزاز مس ٹین امریکا، مس امریکا، مس یونیورس اور مس ورلڈ کی ونر سیاہ فام خاتون رہی ہیں۔ گزشتہ ہفتے جنوبی افریقا سے تعلق رکھنے والی سیاہ فام دوشیزہ زوزی بینی نے مس یونیورس کا ٹائٹل اپنے نام کیا تھا۔

مس ورلڈ کا تاج پہننے والی ٹونی نے ٹوئٹر پر اپنی خوشی دنیا بھر کے ساتھ شیئر کرتے ہوئے کہا خود پر یقین رکھیں کہ آپ اپنے خوابوں کو حاصل کرنے کے قابل ہیں۔ انہوں نے تمام خواتین سے مخاطب ہوکر کہا یہ تاج میرا نہیں بلکہ آپ کا ہے۔

23 سالہ ٹونی آن سنگھ نے فلوریڈااسٹیٹ یونیورسٹی سے سائیکلوجی اور وومن اسٹڈی میں گریجویشن کیا ہے۔ ٹونی نے برطانوی صحافی کے سوال کا جواب دیتے ہوئے کہا مجھے لگتا ہے میں کسی خاص چیز کی نمائندگی کرتی ہوں.