انٹر بینک مارکیٹ میں ڈالرکو جھٹکا

انٹر بینک مارکیٹ میں کاروبار کے آغاز پر ڈالرکی قیمت میں71 پیسے کمی ہوئی ہے جس کے بعد ڈالر 160 روپے 90 پیسے پر ٹریڈ کر رہاہے ۔دوسری جانب اسٹاک مارکیٹ سے بھی اچھی خبریں آنے کا سلسلہ شروع ہو گیاہے کیونکہ صبح صبح کاروبار میں شاندار تیزی دیکھنے میں آ رہی ہے ۔

پاکستان اسٹاک ایکسچینج میں کاروبار کا آغاز ہوات تو انڈیکس 33 ہزار 158 پوائنٹس کی سطح پرتھا تاہم کچھ ہی دیر میں اس میں 859 پوائنٹس کا اضافہ ہوااورانڈیکس نے 34 ہزارکی نفسیاتی حد عبورکرلی ہے ،100 انڈیکس اس وقت 2.59 فیصد اضافے کے ساتھ 34 ہزار 18 پوائنٹس کی سطح پر پہنچ گیاہے۔