کیا چند روز بعد قیامت آنے والی ہے؟

ماضی میں بھی وقتاً فوقتاً سازشی نظریے رکھنے والے نام نہاد ماہرین فلکیات اور مذہبی رہنما دنیا کے خاتمے کی پیش گوئیاں کرتے رہے ہیں۔

تاہم اس وقت یورپ اور امریکی ممالک میں ٹوئٹر پر ایک سازشی نظریہ تیزی سے پھیل رہا ہے جس میں دعویٰ کیا جا رہا ہے کہ 21 جون 2020 کو دنیا ختم ہوجائے گی۔

غیرملکی خبررساں ادارے کی رپورٹ کے مطابق مایا تہذیب کے رہ جانے والے ایک متنازع کلینڈر میں 8 سال قبل دعویٰ کیا گیا تھا کہ 21 دسمبر 2012 کو قیامت آنے والی ہے،اس کا مطلب سال 2012 نہیں بلکہ 2020 تھا۔

کلینڈرکی رو سے اگر دیکھا جائے تو آئندہ ہفتہ یعنی 21 جون دنیا کا آخری دن ہوگا اس کے بعد سب کچھ ختم ہوجائے گا۔برطانوی میڈیا میں ٹوئٹر پرجاری ہونے والی افواہوں سے متعلق شائع رپورٹس میں کہا جا رہا ہے کہ قدیم مایا تہذیب کے کیلنڈرکے مطابق آئندہ ہفتے قیامت آنے والی ہے۔

ماہرین فلکیات اور سائنسدانوں نے جارجین، جولین اورمایا تہذیب کے کلینڈر کا موازنہ کرکے اس بات کا اندازہ لگایا ہے کہ قدیم مایا کلینڈرکے مطابق دنیا کے خاتمے کی اصل تاریخ 21 جون 2020 ہے۔سازشی تھیوری پر یقین رکھنے والے سوشل میڈیا پر یہ دعویٰ کررہے ہیں کہ 21 دسمبر 2012 میں دنیا کے خاتمے کی پیش گوئی ٹھیک تھی کیوںکہ مایا کلینڈر کا جارجین اور جولین کیلنڈر سے موازنہ کیا جائے تو وہ سال 2012 نہیں بلکہ 2020 بنتا ہے۔

اسی طرح کا ایک سازشی نظریہ 2012 میں بھی سامنے آیا تھا تاہم مایا تہذیب کا مطالعہ کرنے والے ماہرین نے اس وقت کہا تھا کہ کیلنڈرکے خاتمے کا مطلب دنیا کا خاتمہ نہیں بلکہ پرانے دورکا خاتمہ ہے۔

تاہم مایا تہذیب کا مطالعہ کرنے والے ماہرین نے اس وقت کہا تھا کہ کیلنڈرکے خاتمے کا مطلب دنیا کا خاتمہ نہیں بلکہ پرانے دور کا خاتمہ ہے۔

اس سازشی نظریے کے 8 سال بعد اب ایک بار پھر ایسا ہی نظریہ یورپ اور امریکی ممالک کی سوشل میڈیا پر پھیل رہا رہا ہے۔

قدیم مایا تہذیب حالیہ شمالی و وسطی امریکی ممالک پر مبنی تھی اورجہاں اس وقت میکسیکو، ہنڈراس، بیلیزاورگوئٹے مالا جیسے ممالک ہیں، وہاں پر قدیم مایا تہذیب شروع ہوئی اور وہیں پر ختم ہوگئی۔

اس تہذیب کو بھی دنیا کی قدیم ترین تہذیبوں میں شمار کیا جاتا ہے، اس تہذیب کو میسو امریکی تہذیب بھی کہا جاتا تھا اوراسی تہذیب کے پیروکاروں نے معمولات زندگی چلانے کے لیے مایا کیلنڈر تشکیل دیا تھا۔