جنوبی افریقا کے تمام کھلاڑیوں اورٹیم مینجمنٹ کے کورونا ٹیسٹ منفی آگئے

جنوبی افریقا کے تمام کھلاڑیوں اور ٹیم مینجمنٹ کے کورونا ٹیسٹ منفی آگئے ،جنوبی افریقا کی ٹیم آج کراچی جمخانہ میں پریکٹس کا آغازکرے گی۔

نجی ٹی وی کے مطابق جنوبی افریقی کھلاڑیوں اور مینجمنٹ اسٹاف کا دوسراکوروناٹیسٹ 20 جنوری کو ہوگا،جنوبی افریقہ کی مہمان ٹیم ہوٹل میں5 روزہ قرنطینہ میں ہے،ٹیم دوران قرنطینہ ہوٹل سے متصل کراچی جمخانہ گراؤنڈ پر پریکٹس کرے گی،دوسرے کورونا ٹیسٹ کے بعد ٹیم نیشنل اسٹیڈیم میں پریکٹس کرے گی،پاکستان اور جنوبی افریقہ 26 جنوری کو پہلے ٹیسٹ میں مدمقابل ہوں گے۔

واضح رہے کہ جنوبی افریقا کی ٹیم کے گزشتہ روز پاکستان پہنچنے پر کورونا ٹیسٹ لیے گئے تھے۔