جیمز ونس جس طرح پاور پلے میں کھیلے وہ مشکل مرحلہ تھا،محمد رضوان

ملتان (اُمت نیوز)ملتان سلطانز کے کپتان محمد رضوان نے اعتراف کرتے ہوئے کہا کہ جیمز ونس جس طرح پاور پلے میں کھیلے وہ مشکل مرحلہ تھا۔ کراچی کنگز کے جیمز ونس پاور پلے میں ہم سے گیم لے گئے تھے۔
میچ کے بعد پریس کانفرنس کرتے ہوئے محمد رضوان نے کہا کہ ہم نے 10 سے 15 رنز کم بنائے۔ کنڈیشنز سے ہمیں فائدہ ہوا، مجھے اپنے بؤلرز پر یقین تھا۔
محمد رضوان نے کہا کہ اختلافات ہر جگہ اچھے ہوتے ہیں، ہم نے ٹیم ورک کے ساتھ کھیلا، صورتحال کے مطابق رائے لیتے ہیں، پولارڈ ناراض نہیں تھے۔
ان کا کہنا تھا کہ پچ اچھی تھی، شان مسعود کے بیٹ پر گیند آ رہا تھا، تاہم جیمز ونس جس طرح پاور پلے میں کھیلے وہ مشکل مرحلہ تھا۔
ملتان سلطانز کے کپتان نے کہا کہ ملتان کے تماشائیوں سے سب کو سپورٹ ملی، ہمیں بھی محبت ملی۔
ملتان کرکٹ اسٹیڈیم میں کھیلے گئے اس میچ میں ملتان سلطانز نے کراچی کنگز کو 3 رنز سے شکست دی تھی۔