ٹی ٹوئنٹی رینکنگ:بابراعظم ، محمد رضوان کے پوائنٹس میں بہتری

لاہور(اسپورٹس ڈیسک)انٹرنیشنل کرکٹ کونسل  نے ٹی ٹوئنٹی پلیئرزکی رینکنگ جاری کردی ۔جس کے مطابق قومی کرکٹ ٹیم کے کپتان بابر اعظم اور بیٹر محمد رضوان کے پوائنٹس میں بہتری آئی ہے

رینکنگ کے مطابق بھارت کے سوریا کمار یادیو کی بیٹرز میں پہلی پوزیشن برقرار ہے جب کہ قومی کرکٹ ٹیم کے بیٹر محمد رضوان بدستور دوسرے اور کپتان بابر اعظم تیسرے نمبر پرموجود ہیں البتہ دونوں کے پوائنٹس میں مزید بہتری آئی ہے

پاکستان کےافتخار احمد کی رینکنگ میں 6 درجے بہتری آئی جس کے بعد وہ 39 ویں نمبر پرپہنچ گئے۔

ٹی ٹوئنٹی بولرز کی رینکنگ میں افغانستان کے راشد خان کا پہلا نمبر ہے اور افغانستان کے ہی فضل حق فاروقی دوسرے نمبر پر ہیں۔

شاداب خان کی رینکنگ میں دو درجےاور شاہین آفریدی کی ایک درجے تنزلی ہوئی ہے، شاداب 15 ویں اور شاہین آفریدی 16 ویں نمبر پر آگئے۔

نیوزی لینڈ کے ایش سوڈھی تین درجے ترقی کے بعد 14 ویں نمبر پر آگئے۔

آل راؤنڈرز میں بنگلا دیش کے شکیب الحسن کی پہلی پوزیشن برقرار ہے۔