فخرزمان کے ون ڈے میں 3 ہزار رنز، مسلسل تیسری سنچری

راولپنڈی(اسپورٹس ڈیسک)پاکستان کرکٹ ٹیم کے  بیٹر فخر زمان نے نیوزی لینڈ کے خلاف دوسرے میچ کے دوران ون ڈے کرکٹ میں 3 ہزار رنز مکمل کرلیے

وہ3 ہزار رنز مکمل کرنے والے ایشیا کے تیز ترین بیٹر بن گئے ہیں۔  فخر زمان نے 67 اننگز میں یہ سنگ میل عبور کیا ہے۔

فخر زمان 3 ہزار رنز بنانے والے دنیا کے مشترکہ دوسرے تیز ترین پلیئر بھی ہوگئے۔ ویسٹ انڈیز کے شائے ہوپ نے بھی 67 اننگز میں تین ہزار رنز مکمل کیے تھے۔

 

🚨 RECORD ALERT 🚨@FakharZamanLive completes 3️⃣,0️⃣0️⃣0️⃣ runs in ODIs 🌟#PAKvNZ | #CricketMubarak pic.twitter.com/jLHA3F0Mkf

— Pakistan Cricket (@TheRealPCB) April 29, 2023

 

جنوبی افریقا کے ہاشم آملہ نے 57 اننگز میں 3 ہزار ون ڈے رنز مکمل کیے ہیں۔ پاکستان کے بابر اعظم نے 68، ویسٹ انڈیز کے ویو رچرڈز نے 69 اننگز میں یہ کارنامہ انجام دیا۔

نیوزی لینڈ کے خلاف دوسرے ون ڈے میں فخر نے شاندار سنچری کرکے فخر نے یہ سنگ میل عبور کیا۔ نیوزی لینڈ کیخلاف پہلے ون ڈے میں بھی فخر زمان نے سنچری کی تھی اور پاکستان کی جیت میں مرکزی کردار ادا کیا تھا۔

فخر زمان مسلسل تین ون ڈے سنچریاں بنانے والے بھی چوتھے پاکستانی بیٹر بن گئے ہیں۔

 

𝐓𝐡𝐫𝐞𝐞 𝐜𝐨𝐧𝐬𝐞𝐜𝐮𝐭𝐢𝐯𝐞 𝐎𝐃𝐈 𝐡𝐮𝐧𝐝𝐫𝐞𝐝𝐬 👏@FakharZamanLive becomes only the fourth Pakistan batter to accomplish this feat 💫#PAKvNZ | #CricketMubarak pic.twitter.com/VQjS8BpIUj

— Pakistan Cricket (@TheRealPCB) April 29, 2023

 

فخر زمان نے رواں برس جنوری میں کراچی میں نیوزی لینڈ ہی کیخلاف ہونے والی تین ون ڈے میچز کی سیریز کے آخری میچ میں بھی سنچری کی تھی۔