اسکواش ایونٹ میں مردوں کے چھ میچز ،خواتین کے 4 میچ کھیلے گئے

کوئٹہ (امت نیوز) قومی34ویں نیشنل گیمز کے سکوائش کے مرد و خواتین ایونٹ میں واپڈا ، ایئر فورس ، آرمی ، نیوی ، ایچ ای سی اور کے پی کے نے اپنے اپنے میچز جیت لئے ۔

تفصیلات کے مطابق میر شاہنواز مری سکوائش کمپلیکس ایوب سٹیڈ یم میں مینز سکوائش ایونٹ کے میچز میں واپڈ ا نے کے پی کے کو ، ایئر فورس نے سندھ ، ایچ ای سی نے آزاد کشمیر ، نیوی نے بلوچستان ، واپڈا نے ایچ ای سی اور ایئر فورس نے نیوی کو شکست دیدی جبکہ ویمن سکواش ایونٹ میں واپڈا نے سندھ ، آرمی نے پنجاب ، ایچ ای سی نے نیوی اور کے پی کے نے پنجاب کو ہرا دیا ۔

اس سے پہلے خواتین کے دو مقابلے ہوئے پہلا واپڈا اور ایچ ای سی کے درمیان ہوا جو واپڈ ا نے صفر تین سے جیت لیا جبکہ دوسرا مقابلہ آرمی اور بلوچستان کے درمیان ہوا یہ میچ آرمی نے تین صفر سے جیت کر کوارٹر فائنل کیلئے کوالیفائی کر لیا ۔

مردوں کے ایونٹ میں چھ میچز کھیلے گئے ،پہلا میچ پنجاب اور آزاد کشمیر کے درمیان کھیلا گیا جو پنجاب نے تین صفر سے اپنے نام کر لیا ،دوسرا میچ آرمی اور بلوچستان جو آرمی نے صفر تین سے جیت لیا، تیسرا میچ سندھ اور نیوی کے دورمیان ہوا جو سخت مقابلے کے بعد سندھ نے ایک کے مقابلے میں دو سیٹ سے جیت لیا ، جبکہ چوتھا میچ ایچ ای سی اور کے پی کے کے درمیان ہوا، جو ایچ ای سی نے بآسانی صفر تین سے اپنے نام کیا۔

اسی طرح پانچواں میچ آرمی اور نیوی کے درمیان کھیلا گیا ،آرمی نے بھی یہ میچ تین صفر سے جیت لیا ،چھٹا میچ ایچ ای سی اور پنجاب کے درمیان ہوا ایچ ای سی نے سخت مقابلے کے بعد یہ میچ ایک کے مقابلے میں دو سیٹ سے جیت لئے۔

یہ بھی دیکھیں

بھارت نے ٹاس جیت کر آسٹریلیا کو بیٹنگ کی دعوت دی،فائل فوٹو

ٹیسٹ چیمپئن شپ فائنل،آسٹریلیا کی بیٹنگ جاری، ایک کھلاڑی آوٹ

عثمان خواجہ زیرو پر آئوٹ،آسٹریلیا نے 14 اوورز میں ایک وکٹ کے نقصان پر 38 رنز بنا لیے۔

جواب دیں

آپ کا ای میل ایڈریس شائع نہیں کیا جائے گا۔