اسرائیل اور حزب اللہ کے درمیان جنگ بندی کا معاہدہ طے پا گیا، امریکی عہدیدار

واشنگٹن/ بیروت: اسرائیل اور لبنان کی مزاحمتی تنظیم حزب اللہ کے درمیان جنگ بندی کا معاہدہ طے پا گیا ہے، جس کا باضابطہ آغاز مقامی وقت کے مطابق آج شام 4 بجے (گرینچ ٹائم کے مطابق دوپہر 1 بجے) سے ہو گیا ہے۔

امریکی عہدیدار کا مزید کہنا تھا کہ آج صبح دونوں جانب سے شدید گولہ باری اور فائرنگ کے تبادلے کے بعد، اب اسرائیل اور حزب اللہ کے درمیان جنگ بندی نافذ العمل ہو چکی ہے۔

یاد رہے کہ یہ معاہدہ ایک ایسے وقت میں سامنے آیا ہے جب گزشتہ چند گھنٹوں کے دوران دونوں ممالک کی سرحدوں پر کشیدگی اور فضائی حملوں میں شدید اضافہ دیکھا گیا تھا۔ مبصرین اس معاہدے کو خطے میں امن کی بحالی اور جاری کشیدگی کو کم کرنے کی جانب ایک بڑا اور اہم قدم قرار دے رہے ہیں۔