جاسک پر امریکی راکٹ حملے، کئی دیہات کی پانی فراہمی معطل

ایرانی ذرائع ابلاغ کے مطابق صوبہ ہرمزگان کے شہر جاسک پر ہونے والے میزائل حملوں میں بجلی کی تنصیبات اور سمندری پانی کو قابلِ استعمال بنانے والے ڈی سیلینیشن پمپ نشانہ بنے ہیں۔

ہرمزگان کے نائب گورنر کے مطابق امریکی راکٹوں نے ضلع جاسک کے ساحلی گاؤں بنجی کے ڈاک پر نصب پانی کے پمپوں کو نشانہ بنایا، جس کے نتیجے میں علاقے کے متعدد دیہات کو پینے کے پانی کی فراہمی منقطع ہوگئی۔

صوبہ ہرمزگان کے ایک سرکاری عہدیدار نے مہر نیوز ایجنسی کو بتایا کہ گزشتہ رات کے حملوں سے ہونے والے نقصانات کا جائزہ لیا جا رہا ہے اور جن علاقوں میں پانی کی سپلائی متاثر ہوئی ہے وہاں پینے کے پانی کی فراہمی جلد بحال کرنے کے لیے اقدامات کیے جا رہے ہیں۔