برطانیہ میں ڈیزل کی قیمت پہلی بار 2 پاؤنڈ فی لٹر تک پہنچ گئی

لندن: برطانیہ میں ڈیزل کی قیمت پہلی بار 2 پاؤنڈ فی لٹر کی سطح تک پہنچ گئی، جس کے بعد ملک میں ایندھن کے بڑھتے ہوئے نرخوں نے صارفین اور کاروباری شعبے پر مالی دباؤ مزید بڑھا دیا ہے۔

برطانوی اعداد و شمار کے مطابق پٹرول کی اوسط قیمت بھی تقریباً 174.71 پنس فی لٹر ریکارڈ کی گئی، جو 28 فروری کو ایران سے متعلق جنگ کے آغاز کے مقابلے میں تقریباً 41.9 پنس زیادہ ہے۔

حکام کے مطابق ایک عام فیملی گاڑی کا فیول ٹینک مکمل کرنے پر اب تقریباً 110 پاؤنڈ خرچ ہو رہے ہیں۔ ڈیزل کی قیمتوں میں اضافے سے گھریلو صارفین کے علاوہ ٹرانسپورٹ، ترسیل اور دیگر کاروباری شعبوں کے اخراجات بھی بڑھ رہے ہیں۔

برطانوی حکومت نے ملک میں ایندھن کی دستیابی کے حوالے سے اطمینان کا اظہار کیا ہے۔ عالمی سطح پر تیل اور ڈیزل کی سپلائی میں رکاوٹوں، مشرق وسطیٰ کی صورتحال اور دیگر جغرافیائی سیاسی عوامل کو ایندھن کی قیمتوں میں اضافے کی اہم وجوہات قرار دیا جا رہا ہے۔