حرمین شریفین کی حرمت سرخ لکیر ہے، امامِ حرم کی حوثی حملوں کی مذمت

مسجد الحرام کے امام و خطیب شیخ عبدالرحمن السدیس نے حرمین شریفین کے تقدس اور سلامتی پر زور دیتے ہوئے کہا ہے کہ مکہ مکرمہ اور مدینہ منورہ کی حرمت ایک ایسی سرخ لکیر ہے جسے کسی صورت عبور نہیں کیا جا سکتا۔

شیخ عبدالرحمن السدیس نے اپنے بیان میں مقدس مقامات کے امن و استحکام کو انتہائی اہم قرار دیتے ہوئے کہا کہ حرمین شریفین کو ہر قسم کے خطرات اور کشیدگی سے محفوظ رکھنا ضروری ہے۔

انہوں نے کہا کہ مکہ مکرمہ اور مدینہ منورہ پوری امت مسلمہ کے لیے خصوصی اہمیت رکھتے ہیں، اس لیے ان کے احترام اور تقدس کو ہر حال میں مقدم رکھا جانا چاہیے۔

امامِ حرم کا کہنا تھا کہ حرمین شریفین کا امن صرف سعودی عرب ہی نہیں بلکہ دنیا بھر کے مسلمانوں کے لیے اہمیت رکھتا ہے۔ ان مقدس مقامات کے خلاف کسی بھی کارروائی یا خطرے کو روکنے کے لیے مؤثر اقدامات ناگزیر ہیں۔

انہوں نے مسلمانوں پر زور دیا کہ وہ حرمین شریفین کی حرمت کے تحفظ اور ان مقامات کے امن و سلامتی کو برقرار رکھنے کی اہمیت کو ہمیشہ پیش نظر رکھیں۔