پنسلوانیا میں فائرنگ کا افسوسناک واقعہ، 9 افراد ہلاک

امریکی ریاست پنسلوانیا کے شہر ایری میں فائرنگ کے ایک افسوسناک واقعے میں مشتبہ حملہ آور سمیت 9 افراد ہلاک ہوگئے۔ واقعے کے بعد پولیس اور متعلقہ حکام نے تحقیقات شروع کر دی ہیں۔

امریکی حکام کے مطابق فائرنگ کا واقعہ رات کے وقت پیش آیا۔ ابتدائی معلومات سے ظاہر ہوتا ہے کہ پولیس اہلکاروں کے جائے وقوعہ پر پہنچنے سے پہلے ہی تمام ہلاکتیں ہو چکی تھیں۔

پولیس حکام کا کہنا ہے کہ مشتبہ حملہ آور کی موت بظاہر خود کو گولی مارنے کے نتیجے میں ہوئی۔ ایری پولیس چیف رک لوراہ نے واقعے کو شہر کے لیے غیر معمولی جانی نقصان اور تباہی کا باعث قرار دیا۔

پنسلوانیا کے گورنر جوش شاپیرو نے واقعے پر افسوس کا اظہار کرتے ہوئے بتایا کہ انہوں نے ایری کے میئر سے رابطہ کیا ہے۔ ان کے مطابق ریاستی حکومت نے متاثرہ علاقے کو ہر ممکن تعاون فراہم کرنے کی پیشکش کی ہے۔

حکام کے مطابق فائرنگ کے واقعے کی وجوہات جاننے اور دیگر تفصیلات سامنے لانے کے لیے تحقیقات جاری ہیں۔