وفاقی وزیر داخلہ محسن نقوی کی منصورہ آمد، حافظ نعیم الرحمان سے اہم ملاقات
ملکی صورتحال پر تبادلہ خیال، مشاورت جاری رکھنے پر اتفاق، عوامی ریلیف اولین ترجیح ہے۔
وفاقی وزیر داخلہ محسن نقوی کی منصورہ آمد، حافظ نعیم الرحمان سے اہم ملاقات
لاہور میں وفاقی وزیر داخلہ محسن نقوی نے منصورہ کا دورہ کیا جہاں انہوں نے امیر جماعت اسلامی پاکستان حافظ نعیم الرحمان سے اہم ملاقات کی۔ ملاقات کے دوران ملک کی مجموعی سیاسی و سکیورٹی صورتحال اور امن و امان کے قیام کے لیے اٹھائے جانے والے اقدامات پر تفصیلی تبادلہ خیال کیا گیا۔
ملاقات میں دونوں رہنماؤں نے اتفاق کیا کہ موجودہ ملکی حالات کے پیش نظر باہمی مشاورت کا سلسلہ آئندہ بھی جاری رکھا جائے گا۔ اس موقع پر وفاقی وزیر داخلہ محسن نقوی کا کہنا تھا کہ ملک کو اس وقت جن چیلنجز کا سامنا ہے، ان سے مؤثر انداز میں نمٹنے کے لیے تمام متعلقہ فریقین کو اپنا بھرپور کردار ادا کرنا ہوگا۔
امیر جماعت اسلامی حافظ نعیم الرحمان نے گفتگو کرتے ہوئے اس بات پر زور دیا کہ عوام کو ریلیف کی فراہمی حکومت اور تمام سیاسی قوتوں کی سب سے اہم ترجیح ہونی چاہیے تاکہ عام آدمی کی مشکلات میں کمی لائی جا سکے۔