سندھ بے حال ہے اور صرف زرداری خوشحال ہے۔ شہباز شریف

مٹیاری : مٹیاری میں پاکستان مسلم لیگ ن کے جلسے سے خطاب کرتےہوئے وزیراعلیٰ پنجاب اور صدر مسلم لیگ ن شبہاز شریف نے کہاکہ آج سندھ بے حال ہے اور آصف زرداری خوشحال ہے، افسوس ہے کہ سندھ میں سب سڑکیں ٹوٹی ہوئی ہیں ، سندھ میں اسپتال میں سہولیات ہیں نہ دانش اسکول ہیں، جبکہ پنجاب کے ہرضلع میں اسپتالوں میں مفت ادویات اور بہترین لیب ہیں۔ مٹیاری میں جلسے سے خطاب میں وزیراعلیٰ پنجاب شہباز شریف کا کہناتھاکہ سندھ میرا صوبہ پہلے ہے پنجاب بعد میں ہے،سندھ میرا صوبہ ہے مل کر سندھ کو بنانا ہے،سندھ کو پاکستان کا سب سے خوشحال صوبہ بناکر چھوڑیں گے، اللہ نےموقع دیاتوکراچی تاکشمورسندھ کوپنجاب بناوں گا،سندھ دھرتی والو! سندھ کو پنجاب بناکر چھوڑوں گا،سندھ کے ہر ضلع میں دانش اسکول اور نیا اسپتال بناؤں گا، سندھ کی سڑکیں بنانے کے لیے ڈیڑھ سو ارب روپے خرچ کروں گا،اللہ نے موقع دیا تو سندھ کے ہر گوٹھ میں بجلی نہ آئی تو میرا نام شہبازشریف نہیں ، وزیراعلیٰ پنجاب نےکہاکہ 2013میں ملک کے اندر بجلی دور دور تک نہیں تھی،مجھے آج پتا چلا ہے کہ یہاں لوڈشیڈنگ ہورہی ہے،میں بجلی کی لوڈشیڈنگ پر اسلام آباد سے بات کروں گا۔