کے پی حکومت نے 5 سال میں صرف مائنس 6 میگا واٹ بجلی پیداکی ۔شہباز

جھنگ:وزیراعلیٰ پنجاب شہباز شریف کا کہنا ہے کہ عمران خان نے خیبر پختونخوا کو بجلی کے معاملے میں خود کفیل بنانے کا وعدہ کیا تھا لیکن 5 سالوں میں وہاں مائنس 6 میگا واٹ بجلی پیدا ہوئی،ان کی سیاست صرف جھوٹ اور دھرنے پر مبنی ہے جبکہ ہماری جماعت عملی کام کرنے پریقین رکھتی ہے۔ جھنگ میں حویلی بہادر شاہ پاور پراجیکٹ کے دورے کے دوران تقریب سے خطاب کرتے ہوئے شہباز شریف کا کہنا تھا کہ 66 سالوں میں 18 ہزار میگا واٹ بجلی پیدا کی گئی اور گزشتہ 5 سالوں میں ہماری حکومت نے 10 ہزار میگا واٹ بجلی پیدا کی، صرف پنجاب سے نیشنل گرڈ میں 5000 میگا واٹ بجلی کا اضافہ ہوا۔