پی ٹی آئی امیدواروں کی فہرست جاری ، عمران خان5حلقوں سے الیکشن لڑیں گے

لاہور:پاکستان تحریک انصاف نے عام انتخابات میں حصہ لینے والے امیدواروں کی فہرست جاری کر دی ہے، پی ٹی آئی کی جانب سے جاری کردہ فہرست میں قومی اسمبلی کے 173 امیدواراور صوبائی اسمبلیوں کے 290 امیدوارشامل ہیں۔
جس کے مطابق چیئرمین پاکستان تحریک انصاف عمران خان قومی اسمبلی کی 5 نشستوں سے الیکشن لڑیں گے، عمران خان کراچی سے این اے 243، این اے 65 بنوں، این اے 53 اسلام آباد، این اے 95 میانوالی اور این اے 131 لاہور سے الیکشن لڑیں گے۔
پی ٹی آئی کے وائس چیئرمین شاہ محمود قریشی این اے 156 ملتان اور ان کے بیٹے زین قریشی این اے 157 ملتان سے انتخابات میں حصہ لیں گے۔
پی ٹی آئی رہنما شفقت محمود این اے 130 لاہور، اسد عمر این اے 54 اسلام آباد،سابق وزیراعلیٰ خیبر پختونخوا پرویز خٹک این اے 25 نوشہرہ اور سابق اسپیکر کے پی کے اسد قیصر این اے 18 صوابی سے انتخاب لڑیں گے۔ڈاکٹر عارف علوی این اے 247 کراچی اور علی زیدی این اے 244 کراچی سے الیکشن لڑیں گے۔
پاکستان تحریک انصاف کے مرکزی ترجمان فواد چوہدری این اے 67 جہلم سے انتخابی معرکہ لڑیں گے جب کہ ابرار الحق این اے 78 نارووال اور عثمان ڈار این اے 73 سیالکوٹ سے الیکشن لڑیں گے۔
لیاقت علی جتوئی این اے 234 دادو اور سردار یار محمد رند این اے 260 نصیر آباد/جھل مگسی سے انتخابات میں حصہ لیں گے۔