شہباز شریف کراچی سے الیکشن نہیں لڑیں گے

سابق وزیر اعلی پنجاب شہباز شریف نے کراچی سے الیکشن لڑنے کا فیصلہ واپس لے لیا۔
تفصیلات کے مطابق ن لیگ کے سینیٹر مشاہد اللہ خان نے میڈیا سے گفتگو کرتے ہوئے کہا کہ شہباز شریف کراچی کے کسی حلقے سے الیکشن نہیں لڑ رہے ۔
اس سے قبل ن لیگ نے کہا تھا کہ شہبازشریف کراچی کے حلقے این اے 248 249،250سے الیکشن لڑیں گے۔ مسلم لیگ( ن) سندھ کے جنرل سیکرٹری سلیم ضیا نے کاغذات نامزدگی حاصل کر لئے۔ پیرکو تینوں حلقوں سے کاغذات جمع کرائیں گے۔
لیکن اب سینیٹر سلیم ضیاء نے بھی تصدیق کی ہے کہ شہباز شریف کراچی سےالیکشن میں حصہ نہیں لے رہے۔
ذرائع کا مزید کہنا تھا کہ شہباز شریف نے یہ فیصلہ ن لیگ کی سینئر قیادت سے مشورے کے بعد لیا۔