افتخار چوہدری ریحام ٹو کا کردار اداکررہے ہیں -چوہدری سرور

لاہور:تحریک انصاف کے رہنما سینٹر چوہدری سرور نے کہا ہے کہ سابق چیف جسٹس چوہدری افتخار ریحام ٹو کا کردار اداکر رہے ہیں لیکن ان کو بھی ریحام ون کی طرح ناکامی ہوگی ۔

نجی ٹی وی کے پروگرام میں گفتگو کرتے ہوئے انہوں نے کہا ہے کہ سابق چیف جسٹس ریحام ٹو کا کردار ادا کررہے ہیں ۔ افتخار چوہدری کی جانب سے عمران خان کی لوچائلڈ کے حوالے عدلیہ سے رجوع کے حوالے سے سوال پر ان کا کہنا تھا کہ عوام تحریک انصاف کے چیئر مین عمران خان پر اعتماد کرتے ہیں اور ان کو سچا سمجھتے ہیں۔ افتخار چوہدری کے بیانات اور ان کی حرکتوں سے عمران خان کو کوئی فرق نہیں پڑے گا ۔ چوہدری محمد سرور نے کہا ہے کہ افتخار چوہدری کی مثال ریحام خان جیسی ہے وہ ریحام ٹو ہیں اس سے پہلے ریحام ون فیل ہو چکی ہے اوراب ریحام ٹو بھی فیل ہو جائیں گے ۔