نواز شریف مریم نواز کے ہمراہ لندن روانہ

لاہور: سابق وزیراعظم نواز شریف اور ان کی صاحبزادی مریم نواز لندن روانہ ہوگئے ہیں۔
تفصیلات کے مطابق نواز شریف اور مریم نواز غیر ملکی ایئر لائن کی پرواز سے لندن جارہے ہیں جہاں نواز شریف اپنی اہلیہ کلثوم نواز کی عیادت کریں گے۔
روانگی کے موقع پر مریم نواز نے کہا کہ کہ والدہ سے ملنے کے لئے بے تاب ہوں، لندن سے آئندہ ہفتے واپسی ہوگی۔ والدہ کی صحتیابی کے لئے دعا کی درخواست کی اور عید کے موقع پر سب کے لئےنیک تمناؤں کا بھی اظہار کیا۔
یاد رہے کہ سابق وزیراعظم اور صاحبزادی کی اپنی رہائش گاہ سے ایئرپورٹ روانگی کے موقع پر کارکنان کی بڑی تعداد موجود تھی اور نواز شریف کی گاڑی پر پھول بھی نچھاور کئے۔
سابق وزیراعظم نواز شریف لندن میں ایک ہفتہ قیام کریں گے اور عید کے بعد وطن واپس آئیں گے۔