کلثوم نوازکی حالت تشویشناک،ڈاکٹروں نےبےہوشی کی دوابڑھا دی

منگل 26 جون 2018, 6:16 شام آخری اپ ڈیٹ منگل 26 جون 2018, 6:18 شام اہم خبریں, قومی

لندن: سابق وزیراعظم نوازشریف کے صاحبزادے حسین نواز نے بتایا ہے کہ ان کی والدہ کی حالت پہلےسے زیادہ تشویشناک ہے، ڈاکٹروں نے بےہوشی کی دوابڑھا دی ہے اورآج وینٹی لیٹرہٹانے کا فیصلہ بھی موخر کردیا گیا ہے۔

لندن میں صحافیوں سے گفتگو میں حسین نواز نے کہا کہ برطانوی میڈیا کے ذریعے سامنے آنے والی پراپرٹیزشریف فیملی کی ملکیت نہیں ۔ برطانوی اخبار کے دعوے کا جواب مناسب فورم پردیا جارہا ہے ۔

انہوں نے مزید کہا کہ برطانوی اخبار کےذریعے سامنے آنے والی تمام پراپرٹیز کا کاروبار حسن نواز نے کیا تھا، اب وہ بھی ان کی ملکیت نہیں۔

حسین نواز نے یہ بھی کہا کہ نیب کی انٹرپول کے ذریعے گرفتاریوں کی بات کی کوئی حیثیت نہیں، برطانیہ میں قانون کی حکمرانی ہے، یہاں غیرقانونی اقدامات ممکن نہیں ، نیب انٹرپول کے ذریعے جو کرنا چاہتا ہےکرلے۔