پی ٹی آئی نے عمران خان کو وزیراعظم کا امیدوار نامزد کردیا

اجلاس سے چیئرمین تحریک انصاف عمران خان نے خطاب کرتے ہوئے کہ عوام نے ہمیں جس منشورپرووٹ دیا ہے اسے آگے لیکرچلنا ہے، اب ہمیں اپنے مقاصد سے نہیں ہٹنا ہے۔

عمران خان نے کہا کہ پارٹی کے ابتدائی کارکنوں کی خدمات قابل تحسین ہیں، آپ لوگوں نے پارٹی کے لیے بڑی محنت کی ہے۔

عمران خان نے کہا کہ میرا مقصد وزیراعظم یا ایم این اے بننا نہیں بلکہ قوم سے کیے گئے وعدے پورے کرنا ہیں، ملک معاشی طورپربحران کا شکارہے اسے بحران سے نکالنا ہے۔

انہوں نے کہا کہ قرضوں کی ادائیگی کے لیے بیرون ملک پاکستانیوں سے رجوع کرینگے۔

عمران خان نے کہا کہ آج میرے لیے پروٹوکول لگا دیا گیا، ایسے ملک نہیں چلے گا، اگر تبدیلی نہ لاسکے تو حشرایم ایم اے اوراے این پی سے بھی برا ہوگا۔ ان کا مزید کہنا تھا کہ سیاست عبادت سمجھ کر کریں، پرانی سیاست ختم کرنا ہوگی۔