چین میں پھنسے پاکستانیوں کو لے کر طیارہ لاہور روانہ

لاہور: چین میں پھنسے پاکستانیوں کو لے کر شاہین ایئر کی پرواز گوانگزو ائیرپورٹ سے لاہور کے لے روانہ ہوگئی ہے۔

تفصیلات کے مطابق شاہین ایئر کی پرواز پاکستانی مسافروں کو لے کر چین سے روانہ ہوگئی ہے۔

ترجمان شاہین ایئر کا کہنا ہے کہ سپریم کورٹ کے احکامات پر مسافروں کو آج پاکستان لے آئیں گے۔
واضح رہے کہ سول ایوی ایشن سے اجازت نہ ملنے پر 2 اور 5 اگست کو بھی شاہین ایئر کی پروازیں منسوخ ہوئیں۔
پرزے کی تبدیلی کے بعد سول ایوی ایشن نے شاہین ایئر کی پرواز این ایل 892 کو اڑان بھرنے کی اجازت دی، جو رات ڈھائی بجے کے قریب چین روانہ ہوئی۔
توقع ہے کہ یہ فلائٹ آج شام 7 سے 8 بجے تک واپس لاہور پہنچ جائے گی۔