منی لانڈرنگ کیس، آصف زرداری کی حاضری سے استثنا کی درخواست منظور

کراچی: بینکنگ کورٹ نے سابق صدر آصف علی زرداری کی حاضری سے استثنا کی درخواست منظور کرتے ہوئے ملزمان کی عبوری ضمانت میں 25 ستمبر تک توسیع کردی۔
منی لانڈرنگ کیس کی سماعت بینکنگ کورٹ میں ہوئی۔
اس موقع پر پیپلزپارٹی کی رہنما اور سابق صدر آصف علی زرداری کی ہمشیرہ فریال تالپور سمیت دیگر ملزمان عدالت میں پیش ہوئے جبکہ ملزمان انور مجید اور عبد الغنی مجید کو عدالت میں پیش نہیں کیا گیا۔
آصف علی زرداری کے وکیل نے حاضری سے استثنا کی درخواست دائر کرتے ہوئے موقف اپنایا کہ آصف زرداری صدارتی الیکشن کی وجہ سے اسلام آباد میں ہیں۔اس لئے وہ عدالت میں پیش نہیں ہوسکتے، عدالت نے آصف زرداری کی استثنیٰ کی درخواست منظورکرلی۔
فریقین کے دلائل سننے کے بعد عدالت نے آصف زرداری، فریال تالپورسمیت دیگر ملزمان کی عبوری ضمانت میں 25 ستمبرتک توسیع کردی۔