ایسا بھکاری نہیں دیکھاجواعلان کرےاوربھیک مانگنےجائے،مشاہداللہ

اسلام آباد:مسلم لیگ ن کے سینئر رہنما مشاہد اللہ خان نے کہا کہ کسی بھکاری کو بھی نہیں دیکھا ہو گا کہ وہ پہلے سے اعلان کر دے کہ میں آج فلاں جگہ مانگنے کیلئے جارہاہوں ۔
فواد چودھری سب کوچورڈاکوقراردیتے ہیں، فواد چودھری بازنہیں آئے وہ کل بھی لگے ہوئے تھے اورآج بھی لگے ہوئے ہیں۔سینیٹ میں اظہار خیال کرتے ہوئےمشاہد اللہ خان نے وزیراطلاعات فواد چوہدری کو تنقید کا نشانہ بناتے ہوئے کہاکہ فواد چوہدری نہ چور ہیں ، نہ ڈاکو ہیں اور نہ ہی کرپٹ ہیں لیکن جہلم سے معلوم کرایاتوپتا چلاجتنے بدمعاش ،وہ جیب کتروں سے پیسے وصول کرتے ہیں اور تمام جیب کتروں کا اجلاس ان کے گھر پرہوتاہے۔
مشاہد اللہ نےکہا کہ حکومت نے جس کا جواب نہ دینا ہو تو ’ کھیس وٹ ‘ جاتے ہیں ، اسرائیل کا جہاز آ کر چلا گیا لیکن اس پر کوئی بات نہیں کرتا ، حکومت کا تعلق جنون سے نہیں بلکہ عقل اور دانش سے ہوتاہے ۔
مشاہد اللہ نے حکومتی نمائندوں کو تنقید کا نشانہ بناتے ہوئے کہا کہ انہیں مزہ آتاہے جس وقت میں کوکین کی بات کرتاہوں اور سوچتے ہیں کہ آج شام کو جا کر وادات ڈالیں گے ۔