اینٹی نارکوٹکس فورس کی کارروائی، منشیات سے بھرا ٹرک پکڑ لیا

اسلام آباد: اینٹی نارکوٹکس فورس انٹیلی جنس ونگ نے وفاقی دارالحکومت میں کارروائی کرکے منشیات سے بھرا ٹرک پکڑ لیا۔
تفصیلات کے مطابق اے این ایف انٹیلی جینس نے کارروائی کرتے ہوئے اسلام آباد کی 26 نمبر چورنگی سے پکڑےایک ٹرک سے50 کلو افیون اور 14 کلو حشیش برآمدکرتے ہوئے دو ملزمان کو گرفتار بھی کر لیا ہے۔
ذرائع کا مزید کہنا ہے کہ منشیات کے پیکٹس ٹرک کے ٹائروں میں چھپائے گئے تھے۔ منشیات راولپنڈی، اسلام آباد اور فیصل آباد منتقل کی جانی تھی۔
کارروائی میں دو ملزمان کو گرفتار کیا گیا جن سے پوچھ گچھ جاری ہے۔