وزیراعظم ایک روزہ دورے پر کراچی پہنچ گئے

کراچی: وزیراعظم عمران خان ایک روزہ دورے پر کراچی پہنچ گئے جہاں وہ صنعت کاروں، کاروباری شخصیات اور پارٹی اراکین سے ملاقاتیں کریں گے۔
وزیراعظم عمران خان ایک روزہ دورے پر کراچی پہنچے۔ وہ گورنر ہاؤس میں مختلف اجلاسوں کی صدارت کریں گے جبکہ صنعتکاروں اور تاجروں سے ملاقات بھی کریں گے۔ وزیراعظم کی زیر صدارت اجلاس ہوگا جس میں کراچی کے ترقیاتی منصوبوں کا جائزہ لیا جائے گا جب کہ وفاقی کابینہ ارکان بھی اجلاس میں شرکت کریں گے۔
بعدازاں عمران خان تحریک انصاف کے ارکان اسمبلی اور رہنماؤں سے ملاقات کریں گے۔ وزیراعظم سے وزیراعلیٰ سندھ مراد علی شاہ اور گورنر سندھ عمران اسماعیل کی ملاقات بھی متوقع ہے۔