سندھ بھر میں سی این جی اسٹیشنز کی آج رات بندش کا فیصلہ واپس

کراچی: سندھ بھر میں سی این جی اسٹیشنز کی آج رات 8 بجے بندش کا فیصلہ واپس لے لیا گیا اور اب فلنگ اسٹیشنز کل صبح بند ہوں گے۔
سوئی سدرن حکام کا کہنا ہے کہ سندھ بھر میں سی این جی اسٹیشنز آج رات 8 بجے کی بجائے کل صبح 8 بجے بند ہوں گے۔
اس سے قبل سوئی سدرن کا کہناتھا کہ سندھ میں سی این جی اسٹیشنز کو آج رات 8 بجے گیس کی فراہمی بند کردی جائے گی جس کے بعد منگل کی صبح 8 بجے دستیاب ہوگی۔
سی این جی کی بندش کے باعث پبلک ٹرانسپورٹ کرایوں میں اضافے سے شہریوں کی مشکلات میں اضافہ ہوجاتا ہے۔