یمن کے حوثی باغیوں کاسعودیہ پر میزائل حملہ ناکام،ڈرون مار گرایا

یمن کے حوثی باغیوں کے سعودی عرب پر کئے گئےبیلسٹک میزائل اور ڈرون حملے ناکام بنا دیئےگئے۔

نجی ٹی وی کے مطابق سعودی اتحادی فورسز کے ترجمان کرنل ترکی المالکی نے بتایا کہ یمن کے حوثی باغیوں نے جنوب مغربی شہر خمیس مشیط پر بیلسٹک میزائل فائر کیا جسےدفاعی نظام نے فضا میں ہی تباہ کردیا۔

میزائل تباہ ہونے کی گونج اتنی زیادہ تھی کہ اس سے شہر میں خوف وہراس پھیل گیالیکن اس سے کسی قسم کاجانی یامالی نقصان نہیں ہوا۔

کرنل المالکی نے یہ بھی بتایا کہ سعودی فورسز نے جنوبی شہر ابہا میں مشتبہ طیارے کی موجودگی پر اسے نشانہ بنا کر مار گرایا.

ملبے کے معائنے پر اندازہ ہوا کہ یہ ڈرون تھاجو فوجی مقاصد کے لیے استعمال کیا جاتا ہے ممکنہ طورپراسے بھی حوثی باغیوں نے ہی بھیجا ہوگا۔