بھارتی لڑاکا طیارہ گر کر تباہ،2 پائلٹ ہلاک

بھارت کے شہر بنگلورو میں بھارتی فضائیہ کا لڑاکا طیارہ میراج 2000 گر کر تباہ ہو گیا، جس کے نتیجے میں 2 پائلٹ ہلاک ہو گئے۔

بھارتی میڈیا کے مطابق لڑاکا طیارہ بنگلورو میں ایچ اے ایل ایئرپورٹ پر گر کر تباہ ہوا ہے۔

میڈیا رپورٹس کے مطابق حادثے سے قبل دونوں پائلٹ طیارے سے باہرنکلنے میں کامیاب ہو گئے تھے جس کے بعد طیارے کے ملبے کی جگہ پر لینڈنگ کرنے سے ایک پائلٹ ہلاک ہوا۔

بھارتی میڈیا نے بتایا کہ دوسرے پائلٹ کو زخمی حالت میں اسپتال منتقل کیا گیا تھا جہاں زخموں کی تاب نہ لاتے ہوئے دم توڑ گیا۔