امریکی ریاست کیلی فورنیامیں عمارت میں دھماکا،4افراد زخمی

امریکی ریاست کیلی فورنیامیں زیرتعمیر عمارت میںہونےوالے دھماکے سے وہاں کام کرنے والے 4افراد زخمی ہوگئے۔

نجی ٹی وی کے مطابق امریکی ریاست کیلی فورنیا کے شہر سان فرانسسکو میں زیر تعمیر عمارت کے قریب گیس پائپ لائن میں دھماکے کے بعد آگ لگ گئی۔

حادثے میں 4افراد کے زخمی ہونے کی اطلاع ہے جنہیں قریبی اسپتال منتقل کردیاگیا ہے۔ فائر بریگیڈ کے عملے کی جانب سے آگ بجھانے کی کوششیں جاری ہیں۔

فائر بریگیڈ حکام کا کہنا ہے کہ آگ لگنے کے باعث فوری طور پر کسی نقصان کی اطلاع موصول نہیں ہوئی بلکہ صرف چند اشخاص زخمی ہوئےجن کوطبی امداد کیلئے اسپتال منتقل کردیاگیاہے۔

امریکی پولیس اورمقامی اداروں نے زخمیوں کے بیانات قلمبند کرکے حادثے کی تحقیقات شروع کردی ہیں۔