پنجاب اور خیبرپختونخوا کے مختلف شہروں میں بارش، آزاد کشمیر میں برفباری

پنجاب کے خیبرپختونخوا کے مختلف شہروں میں بارش کے بعد سردی کی شدت میں اضافہ ہوگیا جب کہ پہاڑوں پر برفباری کے بعد موسم مزید ٹھنڈا ہو گیا۔

لاہور شہر کے مختلف علاقوں میں ہلکی بارش ہوئی جس سے موسم کی شدت بڑھ گئی جب کہ فیصل آباد، خانیوال، حافظ آباد اور گرد و نواح میں بارش ہوئی جس کے بعد موسم سہانا ہوگیا۔

ٹوبہ ٹیک سنگھ، بھکر، میاں چنوں، پاکپتین اور قصور شہر اور گرد و نواح میں بارش کے بعد سردی کی شدت میں اضافہ ہوگیا۔

خیبرپختونخوا کے شہر کوہاٹ، صوابی اور گرد و نواح میں بادل خوب جم کر برسے جس نے موسم کی شدت بڑھا دی جب کہ بالائی علاقے ضلع استور میں چوتھے روز بھی برفباری ہوئی جس کے باعث متعدد رابطہ سڑکیں بند ہوگئیں۔

آزاد کشمیر کے مختلف علاقوں میں بارش اور پہاڑوں پر برفباری ہوئی، ہٹیاں، نیلم، باغ، پونچھ اور حویلی اضلاع کے میدانی علاقوں میں بارش کے بعد موسم مزید ٹھنڈا ہوگیا۔