کوہاٹ میں کرنٹ لگنے سے 3 خواتین سمیت 5 افراد جاں بحق

خیبر پختون خوا کے ضلع کوہاٹ میں کرنٹ لگنے سے 5افراد جاں بحق ہو گئے واقعے میں متعددافراد زخمی بھی ہوئے ہیں۔

پولیس کے مطابق کوہاٹ کے علاقے سورگل میں بارش کے دوران آسمانی بجلی ٹرانسفارمر پر گری جس سے بیک وقت 20 سے زائد گھروں میں شارٹ سرکٹ اور کرنٹ لگنے کے واقعات رونما ہوئے۔

علاقے میں شارٹ سرکٹ اور کرنٹ لگنے سے 5 افراد جاں بحق جب کہ متعدد زخمی ہوگئے۔ جاں بحق ہونے والوں میں 3 خواتین بھی شامل ہیں جب کہ کئی زخمیوں کی حالت تشویشناک ہے۔