گوجرانوالہ میں نجی اسکول کی چھت گرنے سے ٹیچر سمیت 6 بچے جاں بحق

گوجرانوالہ کے علاقے کشمیر روڈ پر یوم پاکستان کی جاری تقریب کے دوران نجی اسکول کی چھت کا ایک حصہ گرنے سے بچوں سمیت 6افراد ہلاک ہوگئے جبکہ 12 زخمی ہوئے

نجی ٹی وی کے مطابق گوجرانوالہ کے علاقے کشمیر روڈ پر واقع ایک نجی اسکول کی چھت کا ایک حصہ گر گیا۔حادثے میں ملبے تلے دب کر 6 افراد جاں بحق اور 12 زخمی ہو گئے

جاں بحق ہونے والوں میں بچے اور اسکول ٹیچرز شامل ہیں۔ حادثہ اس وقت پیش آیا جب اسکول میں یوم پاکستان کی تقریب جاری تھی۔

حادثہ پیش آتے ہی جائے حادثہ پر امدادی ٹیمیں پہنچ گئیں، جنہوں نے امدادی کام شروع کر دیے اور ملبے تلے دبی لاشوں اور زخمیوں کو نکال کر اسپتال منتقل کیا ہے۔ متعدد زخمیوں کی حالت تشویشناک ہے۔