آج بانیان مملکت خدادادکے وژن سے تجدید عہد نو کا دن ہے۔ بلاول

پیپلز پارٹی چیئرمین بلاول بھٹو نے یوم پاکستان پر اپنے پیغام میں کہا آج بانیان مملکت خدادادکے وژن سے تجدید عہد نو کا دن ہے، آج کادن ہماری ذمےداری کی یاددہانی کرانے کا دن ہے۔

نجی ٹی وی کے مطابق پیپلز پارٹی چیئرمین بلاول بھٹو نے کہا ہے کہ آج کا دن ہماری ذمےداری کی یاد دہانی کرانے کا دن ہے، نظریہ پاکستان کی جڑوں پر کلہاڑے مارنے والے باز آجائیں، پیپلز پارٹی قائداعظم، شہید بھٹو، شہید بی بی کا خواب پورا کر کے دم لے گی۔

پی پی چیئرمین نے کہا اقوام چند افراد کے مفاد پورا کرنے کے لیے اصول نہیں بناتیں، باوقار قومیں قومی مفاد،عوام کی بہبود سامنے رکھ کر بیانیہ بناتی ہیں، انتہا پسندی ودہشت گردی سے پوری قوم زخمی ہے، خطرات منڈلا رہے ہیں، ایسےحالات کاسامنا کرنے کے لیے اٹل ارادوں کی ضرورت ہے۔