حکومت نے عیدالفطر کی تعطیلات کا اعلان کردیا

حکومت نے عیدالفطرپرملک میں 4 دن کی عام تعطیل کا اعلان کیا ہے۔

وزارت داخلہ کی جانب سے جاری نوٹیفکیشن میں کہا گیا ہے کہ عیدالفطر کی تعطیلات منگل 4 جون سے جمعہ 7 جون تک ہوں گی۔

اعلان کردہ نوٹی فکیشن کی روشنی میں ہفتہ وار2 چھٹیاں کرنے والے سرکاری و نجی ادارے کے ملازمین 6 روزعید کی خوشیاں دوبالا کریں گے اور اگر وہ بروز پیر3 جون کو چھٹی کرلیں توان کی تعطیلات یکم جون سے 9 جون تک ہوجائیں گی۔

یاد رہے کہ مرکزی رویت ہلال کمیٹی چار جون کو شوال کا چاند دیکھنے کے لیے بیٹھے گی۔