اے پی سی میں نئے انتخابات کا مطالبہ بھی کرسکتے ہیں۔مولانا فضل الرحمن

جے یو آئی کے سربراہ مولانا فضل الرحمن نے کہاہے کہ ہم موجودہ حکومت کو تسلیم نہیں کرتے ، اے پی سی میں نئے انتخابات کا مطالبہ بھی کرسکتے ہیں، تمام جماعتوں نے اے پی سی میں شرکت کی یقین دہائی کروائی ہے ۔

نجی ٹی وی کے پروگرام میں گفتگو کرتے ہوئے مولانا فضل الرحمن نے کہا کہ طے ہواہے کہ اے پی سی 26جون کو بلائی جائیگی ۔

انہوں نے کہا کہ ابھی تک کسی نے نہیں کہا کہ اے پی سی میں شرکت نہیں کریں گے ، تمام جماعتوں نے اے پی سی میں شرکت کی یقین دہائی کروائی ہے ۔

ان کا کہنا تھا کہ اے پی سی میں تمام اپوزیشن جماعتوں کی رائے سامنے آئے گی ، تمام نکات اے پی سی میں سامنے آئیں گے ، اے پی سی میں آئندہ کی حکمت عملی طے ہوگی ، میر ی رائے واضح ہے کہ شفا ف انتخابات کروائے جائیں۔

انہوں نے کہا کہ ملکی معیشت تباہ ہورہی ہے ،ہم موجودہ حکومت کو تسلیم نہیں کرتے ، اے پی سی میں نئے انتخابات کا مطالبہ بھی کرسکتے ہیں ۔