شاہد خاقان عباسی کی لندن میں نوازشریف سے ملاقات

پاکستان مسلم لیگ ن کے رہنما و سابق وزیراعظم شاہد خاقان عباسی نے لندن میں نوازشریف سے ملاقات کی ہے۔
ذرائع کا کہنا ہے کہ شاہد خاقان عباسی گزشتہ شب امریکا سے لندن پہنچے تھے۔
نواز شریف کے فیملی ذرائع کا کہنا ہے کہ شاہد خاقان عباسی نے بیگم شمیم اختر کے انتقال پر اُن سے تعزیت کی۔
شاہد خاقان عباسی امریکا سے گزشتہ شب لندن پہنچے تھے، شاہد خاقان عباسی دو دن لندن میں گزاریں گے۔
ذرائع کا کہنا ہے کہ شاہد خاقان عباسی 12 جنوری کو پاکستان واپس پہنچیں گے۔
شاہدخاقان عباسی 24 دسمبر کو بہن کی عیادت کےلیے امریکا روانہ ہوئے تھے۔