بختاور بھٹو کی شادی‘ مریم نواز اور مولانا فضل الرحمان کو دعوت

سابق صدر آصف علی زرداری کی بیٹی بختاور بھٹو کی شادی کے لیے مریم نواز، مولانا فضل الرحمٰن، شاہدخاقان عباسی اور احسن اقبال کو مدعو کیا گیا ہے۔
پی پی ذرائع کے مطابق زرداری ہاؤس سے تمام سینئر سیاستدانوں کو دعوت نامے بھجوا دیےگئے ہیں۔
واضح رہے کہ سابق صدر آصف علی زرداری کی صاحبزادی بختاور بھٹو زرداری کی مہندی کی تقریب بلاول ہاؤس کراچی میں شروع ہورہی ہے۔
دُلہا محمود چوہدری کے اہل خانہ سمیت دیگر مہمان بلاول ہاؤس پہنچ گئے ہیں جبکہ مہندی کی تقریب کے لیے مدعو مہمانوں کی آمد کا سلسلہ جاری ہے۔
رسم مہندی کے سلسلے میں بلاول ہاؤس کے لان کو برقی قمقمے لگا کر سجایا گیا ہے۔
مہمانوں کا استقبال پیپلز پارٹی کے چیئرمین بلاول بھٹو زرداری اور ان کی چھوٹی ہمشیرہ آصفہ بھٹو زرداری نے کیا۔
تقریب میں ذوالفقار علی بھٹو کی چھوٹی صاحبزادی صنم بھٹو، آصف زرداری کی ہمشیرہ فریال تالپور اور ڈاکٹر عذرا پیچوہو سمیت دیگر رشتے دار شریک ہیں۔