بختاور بھٹو زرداری کے نکاح کی تقریب، مہمان پہنچ گئے

سابق وزیراعظم شہید محترمہ بےنظیر بھٹو اور سابق صدر آصف زرداری کی بڑی صاحبزادی بختاور بھٹو زرداری کے نکاح کی تقریب کراچی میں شروع ہوگئی۔

کرونا کے باعث مہمانوں کی تعداد محدود رکھی گئی ہے، دُلہا محمود چوہدری اور بختاور بھٹو کے سسرالی بلاول ہاؤس پہنچ گئے۔بلاول ہاؤس میں خوشیوں کے شادیانے بج رہے ہیں، 24 جنوری سے بلاول ہاؤس میں محفل میلاد کے ساتھ شادی کی تقریبات کا آغاز ہوچکا ہے۔

بختاور بھٹو کی مہندی کی سادہ اور پُروقارتقریب بھی بلاول ہاؤس میں ہوئی جہاں انہوں نے اجرک کے ڈیزائن کی خوبصورت مہندی اپنے ہاتھوں پر لگوائی۔

بختاور بھٹو زرداری کی بارات کی تقریب 30 جنوری کو ہوگی جس میں تین سو کے قریب مہمان شریک ہوں گے۔

یاد رہے کہ بختاور بھٹو زرداری اور محمود چوہدری کی منگنی دو ماہ قبل بلاول ہاؤس کراچی میں ہوئی تھی۔