بختاور بھٹو زرداری کو حق مہر کتنا ملا؟

پاکستان پیپلز پارٹی کے چیئر مین بلاول بھٹو زرداری کی ہمشیرہ اور سابق صدر آصف علی زرداری کی بیٹی بختاور بھٹو زرداری گزشتہ روز محمود چوہدری کیساتھ رشتہ ازدواج منسلک ہوئی تھیں۔ حق مہر میں بختاور کو 132 تولے چاندی دی گئی۔

سابق وزیراعظم  مرحومہ بینظیر بھٹو کی بڑی صاحبزادی بختاور بھٹو کو دولہا محمود چوہدری کی جانب سے نکاح میں کتنا حق مہراورکیا تحائف دیے گئے، اس حوالے سے اگرچہ واضح طور پر دونوں خاندانوں نے کوئی بیان جاری نہیں کیا تاہم پی پی کے قریبی ذرائع کا کہنا ہے کہ بختاور کو حق مہر میں محض 132 تولے چاندی دی گئی۔

ارب پتی خاندان کی بیٹی کی ارب پتی خاندان میں شادی ہونے کے باوجود انہیں حق مہر میں صرف 132 چاندی تولے ملنے پر خوشگوار حیرت کا اظہار کیا جا رہا ہے۔

بختاور بھٹو زرداری کو حق مہر میں ملنے والی چاندی کی مجموعی قیمت اس وقت 2 لاکھ روپے تک بنتی ہے۔