بھارت آگ سے کھیل رہا ہے، ایٹمی جنگ بہت خطرناک ہوسکتی ہے، صدر مملکت

صدر مملکت عارف علوی نے کہا ہے کہ پاکستان امن اورقانون کے دائرے میں مسئلہ کشمیر کا حل چاہتا ہے۔
صدر مملکت عارف علوی کا آزاد کشمیر قانون ساز اسمبلی سے خطاب میں کہنا تھا کہ بھارت آگ کے ساتھ کھیل رہا ہے، دونوں ملکوں کی ایٹمی جنگ بہت خطرناک ہوسکتی ہے۔
صدر علوی نے کہا کہ مسئلہ کشمیر کو آزادی کے حل کی طرف جانا چاہیے، مقبوضہ کشمیر میں آبادی کا تناسب تبدیل کرنے کا بھارتی منصوبہ خطرناک ہے، بھارت اقلیتوں کے خلاف اقدامات کرکے خود کو آگ میں جھونک رہا ہے۔