بابر اعظم کو سیمی فائنل میں اوپننگ نہیں کرنی چاہیے : معین خان

اسلام آباد(اُمت نیوز)قومی کرکٹ ٹیم کے سابق کپتان معین خان کا کہنا ہےکہ نیدر لینڈز کا ہمیں شکریہ ادا کرنا چاہیے، ورلڈکپ کے بعد نیدرلینڈز کی ٹیم کو پاکستان جلد از جلد بلانا چاہیے۔
نجی ٹی وی کے پروگرام میں گفتگو کرتے ہوئے معین خان کا کہنا تھا کہ سب یہی چاہتے تھے کہ پاکستان آگے جائے، اب یہاں سے پاکستان کو نہیں ہارنا چاہیے۔
معین خان کا کہنا تھا کہ نیدرلینڈز کا ہمیں شکریہ ادا کرنا چاہیے اور ورلڈکپ کے بعد نیدرلینڈز کی ٹیم کو پاکستان جلد از جلد بلانا چاہیے۔
سابق کپتان کا کہنا تھا کہ بابر اعظم کو سیمی فائنل میں اوپننگ نہیں کرنی چاہیے، سیمی فائنل میں حارث سے اوپننگ کرانی چاہیے، شاہین شاہ آفریدی نے آج بہترین پرفارمنس دی ہے۔
قومی ٹیم کے سابق فاسٹ بولر عاقب جاوید کا کہنا تھا کہ فاسٹ بولرکے لیے انجری سےکم بیک کرنا آسان نہیں ہوتا، نوجوان بلے باز حارث کے حوالے سے ان کا کہنا تھا کہ حارث کو کہنا چاہیےکہ ٹی ٹوئنٹی میں اگلے دو تین سال تمہارے ہیں۔
قومی ٹیم کے آل راؤنڈر عماد وسیم کا کہنا تھا کہ میں آج بہت پُرجوش تھا، بہت خوشی ہوئی، اب ہم ورلڈکپ جیتیں گے، یہ ورلڈکپ ہمارا ہی ہے۔