حالات ہاتھ سے نکلے تو گورنر راج لگ سکتا ہے۔بلیغ الرحمان

کراچی:گورنر پنجاب بلیغ الرحمان نے کہاکہ سیاست میں ہم خدمت پر یقین رکھتے ہیں،پنجاب میں گورنر راج ایک انتہائی قدم ہوگا، امن و امان اور حالات ہاتھ سے نکلتے ہیں تو گورنر راج کی آئین میں جگہ موجود ہے۔

گورنر پنجاب کاکہناتھا کہ گورنر راج ناممکنات میں سے نہیں ،گورنر ہاؤس پر حملہ پاکستان کی تاریخ کی بدترین مثالوں میں سے ایک ہے، گورنر ہائوس کے گیٹ پر لوگ چڑھ گئے اور اندر گھسنے کی کوشش کی۔

گورنر پنجاب بلیغ الرحمان نے سندھ انسٹیٹیوٹ آف ایڈوانس گیسٹرو انٹرولوجی کا دورہ کیا،گورنر پنجاب نے سندھ انسٹیٹیوٹ آف ایڈوانس گیسٹرو انٹرولوجی کے جاری کام کا معائنہ کیا،سیاگ کا قیام ڈاکٹر رتھ کے ایم فائو سول ہسپتال کراچی میں کیا گیا ہے،سیاگ کے قیام کا بل سندھ اسمبلی نے 5 جولائی 2022 کو منظور کیا تھا،حکومت سندھ نے پروفیسر سعد خالد نیاز کو سیاگ کا ایگزیکٹو ڈائریکٹر مقررکیا۔