بورڈنگ سے روکنے پر مسافر کی ایئرپورٹ پر خودکشی کی کوشش

کراچی (اُمت نیوز)کراچی سے پشاورجانے والے مسافر نے کراچی ائیرپورٹ پر خودکشی کی کوشش کرتے ہوئے اپنا گلا کاٹ دیا ہے۔
پولیس کا کہنا ہے کہ بورڈنگ کے دوران مسافر سلیمان کی دوسرے مسافر سے ہاتھا پائی ہوئی ہے، جھگڑے کے بعد ائیرپورٹ انتظامیہ نے مسافر سلیمان کو طیارے پر سوار ہونے سے روکا۔
پولیس کے مطابق بورڈنگ سے روکنے پر مسافر سلیمان نے تیز دھار آلے سے اپنا گلہ کاٹ دیا۔
پولیس کا کہنا ہے کہ ائیرپورٹ پر خودکشی کی کوشش کرنے والے مسافر سلیمان کو تشویشناک حالت میں جناح اسپتال منتقل کر دیا گیا ہے۔